പ്രതിബദ്ധത ജനങ്ങളോട് മാത്രം….

IRINJALAKUDA TIMES

Advertisement
TRENDING NEWS
തൃശൂർ അതിരൂപത പ്രോലൈഫ് ജൂബിലി അവാർഡുകൾ പ്രഖ്യാപിച്ചു
നിര്യാതയായി
ഇരിങ്ങാലക്കുട നഗരസഭയിൽ പോളിംഗ് 71.69% – വാർഡ് തിരിച്ചുള്ള കണക്കുകൾ കാണാം
ഇരിങ്ങാലക്കുട നഗരസഭയിൽ 70.25% പോളിംഗ് : തെരഞ്ഞെടുപ്പ് പൊതുവെ സമാധാനപരം
നിര്യാതനായി
ഇരിങ്ങാലക്കുട തൃശൂർ ന്യൂസ്
തൃശൂർ അതിരൂപത പ്രോലൈഫ് ജൂബിലി അവാർഡുകൾ പ്രഖ്യാപിച്ചു
irinjalakudatimes.com 0

തൃശൂർ : തൃശൂർ അതിരൂപത പ്രോലൈഫ് സമിതിയുടെ സിൽവർ ജൂബിലി അവാർഡുകൾ പ്രഖ്യാപിച്ചു.

അച്ചടി മാധ്യമ അവാർഡ് സെബി മാളിയേക്കലിനും (ദീപിക, തൃശൂർ) ദൃശ്യ മാധ്യ അവാർഡ് ടി.വി. ഷെക്കെയ്‌നക്കുമാണ്.

മികച്ച ആതുര ശുശ്രൂഷ സ്ഥാപനത്തിനുള്ള അവാർഡിന് തൃശൂർ ജൂബിലി മിഷൻ മെഡിക്കൽ കോളെജും വിദ്യാഭ്യാസ സ്ഥാപന അവാർഡിന് തൃശൂർ നിർമലമാത സെൻട്രൽ സ്‌കൂളുമാണ് അർഹരായത്.

ജീവൻ്റെ മൂല്യവും മഹത്വവും പ്രഘോഷിക്കുന്നതിൽ മാധ്യമരംഗത്തും ആതുര ശുശ്രൂഷ, വിദ്യാഭ്യാസ രംഗങ്ങളിലും നൽകിയ സമഗ്ര സംഭാവനകളെ കണക്കിലെടുത്താണ് അവാർഡുകൾ നൽകുന്നതെന്ന് കെ.സി.ബി.സി. അതിരൂപത പ്രോലൈഫ് സമിതി ഡയറക്‌ടർ ഫാ. ഫ്രാൻസിസ് ട്വിങ്കിൾ വാഴപ്പിള്ളി, പ്രസിഡന്റ് ജെയിംസ് ആഴ്ച്ചങ്ങാടൻ എന്നിവർ അറിയിച്ചു.

ഡിസംബർ 21ന് തൃശൂർ വ്യാകുല മാതാവിൻ ബസിലിക്ക ഹാളിൽ നടക്കുന്ന അതിരൂപത പ്രോലൈഫ് സിൽവർ ജൂബിലി പൊതുസമ്മേളനത്തിൽ വച്ച് സി.ബി.സി.ഐ. പ്രസിഡന്റും ആർച്ച് ബിഷപ്പുമായ മാർ ആൻഡ്രൂസ് താഴത്ത് അവാർഡുകൾ സമ്മാനിക്കും.

ചടങ്ങിൽ പ്രോലൈഫ് സമിതി മുൻ ഡയറക്ട‌ർമാരെയും ഭാരവാഹികളെയും വലിയ കുടുംബങ്ങളെയും ആദരിക്കും.

ഇരിങ്ങാലക്കുട കേരളം തൃശൂർ ദേശീയം ന്യൂസ്
നിര്യാതയായി
irinjalakudatimes.com 0

കാഞ്ചന

ഇരിങ്ങാലക്കുട : പുല്ലൂർ ഗൾഫ് മൂലയിൽ ചേലകുളത്ത് കളരിക്കൽ വീട്ടിൽ സുരേന്ദ്രൻ ഭാര്യ കാഞ്ചന (65) കുഴഞ്ഞു വീണു മരിച്ചു.

സിപിഎം പുല്ലൂർ മിഷ്യൻ ബ്രാഞ്ച് അംഗമാണ്.

സംസ്കാരം നടത്തി.

മക്കൾ : സുനീഷ്, പരേതനായ സുമേഷ്

ഇരിങ്ങാലക്കുട കേരളം തൃശൂർ ന്യൂസ്
ഇരിങ്ങാലക്കുട നഗരസഭയിൽ പോളിംഗ് 71.69% – വാർഡ് തിരിച്ചുള്ള കണക്കുകൾ കാണാം
irinjalakudatimes.com 0

ഇരിങ്ങാലക്കുട : മൊത്തം 55,117 വോട്ടർമാരുള്ള ഇരിങ്ങാലക്കുട നഗരസഭയിൽ 39,513 പേർ തങ്ങളുടെ സമ്മതിദാനാവകാശം വിനിയോഗിച്ചതായി കണക്കുകൾ സൂചിപ്പിക്കുന്നു. 71.69 ആണ് പോളിംഗ് ശതമാനം.

ആകെയുള്ള 25,527 പുരുഷ വോട്ടർമാരിൽ 17,987 പേരും വോട്ട് രേഖപ്പെടുത്തി. ആകെയുള്ള 29,590 സ്ത്രീ വോട്ടർമാരിൽ 21,526 പേരാണ് വോട്ട് രേഖപ്പെടുത്തിയത്.

വാർഡുകൾ തിരിച്ചുള്ള കണക്കുകൾ നോക്കാം.

  1. 1604 വോട്ടർമാരുള്ള മൂർക്കനാട് 1-ാം വാർഡിൽ 1045 പേരാണ് വോട്ട് ചെയ്തത്. പോളിങ് ശതമാനം 65.15.
  2. 1557 വോട്ടർമാരുള്ള ബംഗ്ലാവ് 2-ാം വാർഡിൽ 1030 പേരാണ് വോട്ട് ചെയ്തത്. പോളിങ് ശതമാനം 66.15
  3. 1381 വോട്ടർമാരുള്ള കരുവന്നൂർ 3-ാം വാർഡിൽ 1040 പേരാണ് വോട്ട് ചെയ്തത്. 75.31%.
  4. 1306 വോട്ടർമാരുള്ള പീച്ചാംപിള്ളിക്കോണം 4-ാം വാർഡിൽ 933 പേരാണ് വോട്ട് ചെയ്തത്. 71.44%
  5. 1272 വോട്ടർമാരുള്ള ഹോളിക്രോസ് സ്കൂൾ 5-ാം വാർഡിൽ 952 പേരാണ് വോട്ട് ചെയ്തത്. 74.84%.
  6. 1343 വോട്ടർമാരുള്ള മാപ്രാണം 6-ാം വാർഡിൽ 1064 പേരാണ് വോട്ട് ചെയ്തത്. 79.23%.
  7. 1372 വോട്ടർമാർ ഉള്ള മാടായിക്കോണം 7-ാം വാർഡിൽ 1086 പേരാണ് വോട്ട് ചെയ്തത്. 79.15%.
  8. 1617 വോട്ടർമാരുള്ള നമ്പ്യാങ്കാവ് 8-ാം വാർഡിൽ 1293 പേരാണ് വോട്ട് ചെയ്തത്. 79.96%.
  9. 1609 വോട്ടർമാരുള്ള കുഴിക്കാട്ടുകോണം 9-ാം വാർഡിൽ 1228 പേരാണ് വോട്ട് ചെയ്തത്. 76.32%.
  10. 1156 വോട്ടർമാരുള്ള കാട്ടുങ്ങച്ചിറ 10-ാം വാർഡിൽ 923 പേരാണ് വോട്ട് ചെയ്തത്. 79.84%.
  11. 1150 വോട്ടർമാരുള്ള ആസാദ് റോഡ് 11-ാം വാർഡിൽ 834 പേരാണ് വോട്ട് ചെയ്തത്. 75.52%.
  12. 1424 വോട്ടർമാരുള്ള ഗാന്ധിഗ്രാം നോർത്ത് 12-ാം വാർഡിൽ 1034 പേരാണ് വോട്ട് ചെയ്തത്. 72.61%.
  13. 1255 വോട്ടർമാരുള്ള ഗാന്ധിഗ്രാം 13-ാം വാർഡിൽ 840 പേരാണ് വോട്ട് ചെയ്തത്. 66.93% .
  14. 1000 വോട്ടർമാർ ഉള്ള ഗാന്ധിഗ്രാം ഈസ്റ്റ് 14-ാം വാർഡിൽ 598 പേരാണ് വോട്ട് ചെയ്തത്. 59.8%.
  15. 1260 വോട്ടർമാരുള്ള മുൻസിപ്പൽ ഹോസ്പിറ്റൽ 15-ാം വാർഡിൽ 711 പേരാണ് വോട്ട് ചെയ്തത്. 56.43%.
  16. 1237 വോട്ടർമാരുള്ള മഠത്തിക്കര 16-ാം വാർഡിൽ 805 പേരാണ് വോട്ട് ചെയ്തത്. 65.08%.
  17. 1209 വോട്ടർമാരുള്ള ചാലാംപാടം 17-ാം വാർഡിൽ 800 പേരാണ് വോട്ട് ചെയ്തത്. 66.17%.
  18. 1049 വോട്ടർമാരുള്ള ചന്തക്കുന്ന് 18-ാം വാർഡിൽ 659 പേരാണ് വോട്ട് ചെയ്തത്. 62.82%.
  19. 1463 വോട്ടർമാരുള്ള സെൻ്റ് ജോസഫ്സ് കോളെജ് 19-ാം വാർഡിൽ 992 പേരാണ് വോട്ട് ചെയ്തത്. 67.81%.
  20. 1294 വോട്ടർമാരുള്ള ഷണ്മുഖം കനാൽ 20-ാം വാർഡിൽ 885 പേരാണ് വോട്ട് ചെയ്തത്. 68.39 ആണ് പോളിംഗ് ശതമാനം.
  21. 1022 വോട്ടർമാരുള്ള ചേലൂർ 21-ാം വാർഡിൽ 783 പേരാണ് വോട്ട് ചെയ്തത്. 76.61 ആണ് പോളിംഗ് ശതമാനം.
  22. 1157 വോട്ടർമാർ ഉള്ള മുൻസിപ്പൽ ഓഫീസ് 22-ാം വാർഡിൽ 755 പേരാണ് വോട്ട് ചെയ്തത്. 65.25 ആണ് പോളിംഗ് ശതമാനം.
  23. 1163 വോട്ടർമാർ ഉള്ള ഉണ്ണായിവാര്യർ കലാനിലയം 23-ാം വാർഡിൽ 777 പേരാണ് വോട്ട് ചെയ്തത്. 66.81 ആണ് പോളിംഗ് ശതമാനം.
  24. 1140 വോട്ടർമാർ ഉള്ള പൂച്ചക്കുളം 24-ാം വാർഡിൽ 800 പേരാണ് വോട്ട് ചെയ്തത്. 70.18 ആണ് പോളിംഗ് ശതമാനം.
  25. 1342 വോട്ടർമാർ ഉള്ള കണ്ഠേശ്വരം 25-ാം വാർഡിൽ 1007 പേരാണ് വോട്ട് ചെയ്തത്. 75.04 ആണ് പോളിംഗ് ശതമാനം.
  26. 1285 വോട്ടർമാർ ഉള്ള കൊരുമ്പിശ്ശേരി 26-ാം വാർഡിൽ 921 പേരാണ് വോട്ട് ചെയ്തത്. 71.67 ആണ് പോളിംഗ് ശതമാനം.
  27. 1313 വോട്ടർമാർ ഉള്ള കാരുകുളങ്ങര 27-ാം വാർഡിൽ 995 പേരാണ് വോട്ട് ചെയ്തത്. 75.78 ആണ് പോളിംഗ് ശതമാനം.
  28. 1076 വോട്ടർമാർ ഉള്ള കൂടൽമാണിക്യം 28-ാം വാർഡിൽ 751 പേരാണ് വോട്ട് ചെയ്തത്. 69.8 ആണ് പോളിംഗ് ശതമാനം.
  29. 1059 വോട്ടർമാർ ഉള്ള ബസ്സ് സ്റ്റാൻഡ് 29-ാം വാർഡിൽ 647 പേരാണ് വോട്ട് ചെയ്തത്. 61.1 ആണ് പോളിംഗ് ശതമാനം.
  30. 1175 വോട്ടർമാരുള്ള ആയുർവേദ ഹോസ്പിറ്റൽ 30-ാം വാർഡിൽ 808 പേരാണ് വോട്ട് ചെയ്തത്. 68.77 ആണ് പോളിംഗ് ശതമാനം.
  31. 1117 വോട്ടർമാരുള്ള ക്രൈസ്റ്റ് കോളേജ് 31-ാം വാർഡിൽ 714 പേരാണ് വോട്ട് ചെയ്തത്. 63.92 ആണ് പോളിംഗ് ശതമാനം.
  32. 804 വോട്ടർമാരുള്ള എസ് എൻ നഗർ 32-ാം വാർഡിൽ 468 പേരാണ് വോട്ട് ചെയ്തത്. 58.21 ആണ് പോളിംഗ് ശതമാനം.
  33. 1244 വോട്ടർമാരുള്ള ബ്ലോക്ക് പഞ്ചായത്ത് ഓഫീസ് 33-ാം വാർഡിൽ 906 പേരാണ് വോട്ട് ചെയ്തത്. 72.83 ആണ് പോളിംഗ് ശതമാനം.
  34. 1274 വോട്ടർമാർ ഉള്ള പള്ളിക്കാട് 34-ാം വാർഡിൽ 1012 പേരാണ് വോട്ട് ചെയ്തത്. 79.43 ആണ് പോളിംഗ് ശതമാനം.
  35. 1302 വോട്ടർമാർ ഉള്ള സിവിൽ സ്റ്റേഷൻ 35-ാം വാർഡിൽ 975 പേരാണ് വോട്ട് ചെയ്തത്. 74.88 ആണ് പോളിംഗ് ശതമാനം.
  36. 1159 വോട്ടർമാർ ഉള്ള കണ്ടാരംതറ 36-ാം വാർഡിൽ 893 പേരാണ് വോട്ട് ചെയ്തത്. 77.05 ആണ് പോളിംഗ് ശതമാനം.
  37. 1381 വോട്ടർമാർ ഉള്ള പൊറത്തിശ്ശേരി 37-ാം വാർഡിൽ 1128 പേരാണ് വോട്ട് ചെയ്തത്. 81.68 ആണ് പോളിംഗ് ശതമാനം.
  38. 1358 വോട്ടർമാർ ഉള്ള മഹാത്മാ സ്കൂൾ 38-ാം വാർഡിൽ 1048 പേരാണ് വോട്ട് ചെയ്തത്. 77.17 ആണ് പോളിംഗ് ശതമാനം.
  39. 1475 വോട്ടർമാർ ഉള്ള തളിയക്കോണം സൗത്ത് 39-ാം വാർഡിൽ 1108 പേരാണ് വോട്ട് ചെയ്തത്. 75.12 ആണ് പോളിംഗ് ശതമാനം.
  40. 1549 വോട്ടർമാർ ഉള്ള കല്ലട 40-ാം വാർഡിൽ 1216 പേരാണ് വോട്ട് ചെയ്തത്. 78.5 ആണ് പോളിംഗ് ശതമാനം.
  41. 1367 വോട്ടർമാരുള്ള തളിയക്കോണം നോർത്ത് 41-ാം വാർഡിൽ 1010 പേരാണ് വോട്ട് ചെയ്തത്. പോളിങ് ശതമാനം 73.88%
  42. 1325 വോട്ടർമാരുള്ള പുത്തൻതോട് 42-ാം വാർഡിൽ 944 പേരാണ് വോട്ട് ചെയ്തത്. പോളിങ് 71.25%
  43. 1472 വോട്ടർമാരുള്ള പുറത്താട് 43-ാം വാർഡിൽ 1095 പേരാണ് വോട്ട് ചെയ്തത്. പോളിങ് 74.39%.
ഇരിങ്ങാലക്കുട കേരളം തൃശൂർ ന്യൂസ്
ഇരിങ്ങാലക്കുട നഗരസഭയിൽ 70.25% പോളിംഗ് : തെരഞ്ഞെടുപ്പ് പൊതുവെ സമാധാനപരം
irinjalakudatimes.com 0

ഇരിങ്ങാലക്കുട : നഗരസഭയിലെ 43 വാർഡുകളിലായി സജ്ജമാക്കിയ 49 പോളിംഗ് ബൂത്തുകളിലും രാവിലെ 7 മണി മുതൽ തന്നെ വോട്ടർമാർ വോട്ടു രേഖപ്പെടുത്താന്‍ എത്തിയിരുന്നു.

49 പോളിംഗ് ബൂത്തുകളിലും പോളിംഗ് പ്രക്രിയ പൊതുവേ സമാധാനപരമായാണ് പര്യവസാനിച്ചത്.

മൊത്തം 54,905 വോട്ടർമാരുള്ളതിൽ 70.25% പേർ തങ്ങളുടെ സമ്മതിദാനാവകാശം വിനിയോഗിച്ചതായി പ്രാഥമിക കണക്കുകൾ സൂചിപ്പിക്കുന്നു.

രാവിലെ മുതൽ ജനങ്ങൾ പോളിംഗ് ബൂത്തുകളിലേക്ക് ഒഴുകിയെത്തിയിരുന്നെങ്കിലും പലയിടത്തും പോളിംഗ് മന്ദഗതിയിലായത് വോട്ടർമാരെ വലച്ചു. പല ബൂത്തുകളിലും മണിക്കൂറുകളോളം വോട്ട് രേഖപ്പെടുത്താൻ വരിനിൽക്കേണ്ട അവസ്ഥയിലായി വോട്ടർമാർ.

കണ്ഠേശ്വരം 25-ാം വാർഡിൽ കൊരുമ്പിശ്ശേരി ലയൺസ് ക്ലബ്ബ് ഹാളിൽ വോട്ടു ചെയ്യാൻ എത്തിയ വോട്ടർമാരിൽ പലർക്കും വോട്ടു ചെയ്യാൻ ഒന്നര മണിക്കൂർ വരെ വരി നിൽക്കേണ്ടി വന്നു.

കാട്ടൂരിൽ മഹിളാ സമാജം വാർഡിൽ 5-ാം നമ്പർ ബൂത്തിൽ പോളിംഗ് ഒരു മണിക്കൂറോളമായി മെഷീൻ കംപ്ലയിൻ്റായി വോട്ടിംഗ് തടസ്സപ്പെട്ടു. പിന്നീട് പുതിയ മെഷീൻ പുന:സ്ഥാപിച്ചിട്ടാണ് പോളിംഗ് പുനരാരംഭിച്ചത്.

നമ്പ്യാങ്കാവ് 8-ാം വാർഡിലെ ഹോളി ഫാമിലി എൽ.പി. സ്കൂളിലെ പോളിംഗ് ബൂത്തിൽ മരിച്ചുപോയ വ്യക്തിയുടെ പേരിൽ കള്ളവോട്ട് ചെയ്യാനുള്ള ശ്രമം എതിർ പാർട്ടിക്കാർ തടഞ്ഞതായി വാർത്തയുണ്ട്.

മരിച്ചുപോയ വൃദ്ധയുടെ പേരിൽ മറ്റൊരു വൃദ്ധയെ കൊണ്ടുവന്ന വോട്ട് ചെയ്യിക്കാനുള്ള ശ്രമമാണ് തടഞ്ഞത്. പരാതിയെ തുടർന്ന് പ്രിസൈഡിങ് ഓഫീസർ വൃദ്ധയെ വോട്ട് ചെയ്യാൻ അനുവദിക്കാതെ തിരിച്ചയച്ചു.

ചലച്ചിത്ര താരങ്ങളായ ടോവിനോ തോമസും ഇടവേള ബാബുവും ഇരിങ്ങാലക്കുട ഗവ. ഗേൾസ് ഹയർ സെക്കൻഡറി സ്കൂളിലും, അനുപമ പരമേശ്വരൻ ഇരിങ്ങാലക്കുട നാഷണൽ ഹയർ സെക്കൻഡറി സ്കൂളിലെ ബൂത്തിലും വോട്ട് രേഖപ്പെടുത്തി.

മുൻ കെപിസിസി ജനറൽ സെക്രട്ടറിയും മുൻ നഗരസഭ ചെയർമാനുമായിരുന്ന എം.പി. ജാക്സൺ എസ്.എൻ. സ്കൂളിലെ ബൂത്തിലും, സിനിമാതാരം ജൂനിയർ ഇന്നസെൻ്റ്, നഗരസഭാ ചെയർപേഴ്സൺ മേരിക്കുട്ടി ജോയ് എന്നിവർ ഡോൺബോസ്കോ സ്കൂളിലെ ബൂത്തിലും, ബിഷപ്പ് മാർ പോളി കണ്ണൂക്കാടൻ ലിറ്റിൽ ഫ്ലവർ കോൺവെൻ്റ് സ്കൂളിലും, മുൻ ഗവ. ചീഫ് വിപ്പ് അഡ്വ. തോമസ് ഉണ്ണിയാടൻ ടൗൺ ഹാളിലെ ബൂത്തിലും വോട്ട് രേഖപ്പെടുത്തി.

പോളിംഗ് അവസാനിച്ചതിനു ശേഷമുള്ള നടപടി ക്രമങ്ങൾക്കു ശേഷം പോളിംഗ് സാമഗ്രികൾ ഉദ്യോഗസ്ഥർ ഇരിങ്ങാലക്കുട നഗരസഭയിലെ പോളിംഗ് സാമഗ്രികളുടെ വിതരണ, സ്വീകരണ കേന്ദ്രമായ ഇരിങ്ങാലക്കുട സെൻ്റ് ജോസഫ്സ് കോളെജിലേക്ക് തിരികെ എത്തിച്ചു.

13ന് ഇവിടെ വെച്ചാണ് നഗരസഭയുടെ വോട്ടെണ്ണൽ നടക്കുക.

ഇരിങ്ങാലക്കുട തൃശൂർ ന്യൂസ്
നിര്യാതനായി
irinjalakudatimes.com 0

ജോണി സെബാസ്റ്റ്യൻ

ഇരിങ്ങാലക്കുട : ക്രൈസ്റ്റ് ചർച്ച് വ്യൂ റോഡിൽ താമസിക്കുന്ന
ഇരിങ്ങാലക്കുട ക്രൈസ്റ്റ് കോളെജ് ഇക്കണോമിക്സ് വിഭാഗം റിട്ട. അധ്യാപകനും, കേരള കോൺഗ്രസ്‌ (ജേക്കബ്) സംസ്ഥാന വൈസ് ചെയർമാനുമായ ഉണ്ണിപ്പിള്ളിൽ തൊമ്മൻ ദേവസ്യ മകൻ ജോണി സെബാസ്റ്റ്യൻ (66) നിര്യാതനായി.

സംസ്കാരം വെള്ളിയാഴ്ച (ഡിസംബർ 12) ഉച്ചതിരിഞ്ഞ് 3.30ന് ഇരിങ്ങാലക്കുട സെന്റ് തോമസ് കത്തീഡ്രൽ സെമിത്തേരിയിൽ.

ഭാര്യ : ബിയാട്രീസ് ജോണി (കല്ലറക്കൽ വട്ടക്കാവുങ്ങൽ കുടുംബാഗം)

മക്കൾ : സ്റ്റെഫി ജോണി (എഞ്ചിനീയർ), സ്നേഹ ജോണി (ഗവേഷക വിദ്യാർഥി)

മരുമകൻ : ജിൻസൻ ഇഗ്‌നേഷ്യസ് തൈക്കാട്ടിൽ

ഇരിങ്ങാലക്കുട ദേശീയം ന്യൂസ്
സെൻ്റ് മേരീസ് സ്കൂളിൽ ക്രിസ്തുമസ് ആഘോഷം
irinjalakudatimes.com 0

ഇരിങ്ങാലക്കുട : സ്നേഹത്തിന്റെയും സാഹോദര്യത്തിന്റെയും സമഭാവനയുടെയും സന്ദേശം ഉണർത്തുന്ന ക്രിസ്തുമസ് ഓർമകൾക്ക് സുഗന്ധവും കാഴ്ചകൾക്ക് തിളക്കവും സമ്മാനിച്ച് ഇരിങ്ങാലക്കുട സെൻ്റ് മേരീസ് വിദ്യാലയത്തിൽ ക്രിസ്തുമസ് ആഘോഷം സംഘടിപ്പിച്ചു.

സ്കൂൾ മാനേജർ റവ. ഫാ. ഡോ. പ്രൊഫ. ലാസർ കുറ്റിക്കാടൻ ഉദ്ഘാടനം ചെയ്തു.

പി.ടി.എ. പ്രസിഡന്റ് അജോ ജോൺ, കത്തീഡ്രൽ ട്രസ്റ്റി ഷാബു എന്നിവർ ആശംസകൾ അർപ്പിച്ചു.

വിദ്യാർഥികൾ നിർമ്മിച്ച നക്ഷത്രങ്ങളും തോരണങ്ങളും കൊണ്ട് സ്കൂൾ അങ്കണം പൂർവ്വാധികം ശോഭിച്ചു. ക്രിസ്തുമസ് പാപ്പമാരും മാലാഖമാരും സ്വർഗീയാനുഭൂതി സമ്മാനിച്ചു.

ആഘോഷത്തിന്റെ ഭാഗമായി വിദ്യാർഥികൾക്ക് വേണ്ടി വിവിധ മത്സരങ്ങളും സംഘടിപ്പിച്ചു.

ചടങ്ങിൽ റവന്യൂ ജില്ലാ കലോത്സവത്തിൽ ഉന്നത സ്ഥാനം കൈവരിച്ച വിദ്യാർഥികൾക്ക് സമ്മാനങ്ങൾ നൽകി.

ഹെഡ്മിസ്ട്രസ് റീജ ജോസ് സ്വാഗതവും പ്രോഗ്രാം കൺവീനർ മെൽവിൻ ഡേവിസ് നന്ദിയും പറഞ്ഞു.

ഇരിങ്ങാലക്കുട തൃശൂർ ന്യൂസ്
സുകുമാർ അഴീക്കോട് ജന്മശതാബ്ദി സ്മാരക മലയാള പ്രസംഗ മത്സരം 28ന്
irinjalakudatimes.com 0

തൃശൂർ : സുകുമാർ അഴീക്കോട് സ്മാരക സമിതിയുടെ നേതൃത്വത്തിൽ സുകുമാർ അഴീക്കോട് ജന്മശതാബ്ദി സ്മാരക മലയാള പ്രസംഗ മത്സരം 28ന് തൃശൂർ പ്രസ് ക്ലബ്ബ് ഹാളിൽ സംഘടിപ്പിക്കും.

“കക്ഷിരാഷ്ട്രീയ ഇടങ്ങളിലെ മാലിന്യനിർമാർജനവും അഴീക്കോട് വിചാരവും” എന്ന വിഷയത്തിലാണ് മത്സരം നടക്കുക.

മത്സരാർത്ഥികൾ 100 രൂപ സ്മാരക സമിതി ട്രഷററുടെ (9447151741) നമ്പറിൽ രജിസ്റ്റർ ഫീസ് ആയി ഏതെങ്കിലും യുപിഎ മാർഗ്ഗത്തിൽ അടച്ച രസീതും പേരും മേൽവിലാസവും വാട്സപ്പ് നമ്പറും സഹിതം സ്മാരക സമിതി സെക്രട്ടറിക്ക് 8281314141 എന്ന നമ്പറിൽ ഡിസംബർ 12ന് മുൻപായി വാട്സപ്പ് ചെയ്യണം.

കൂടുതൽ വിവരങ്ങൾക്ക് : 8075572727 (സ്മാരകസമിതി ചെയർമാൻ), 9995321010 (സംഘാടകസമിതി കൺവീനർ)

ഇരിങ്ങാലക്കുട കേരളം തൃശൂർ ദേശീയം ന്യൂസ്
പ്രേംകുമാർ മാരാത്ത് നിര്യാതനായി
irinjalakudatimes.com 0

ഇരിങ്ങാലക്കുട : എടമുട്ടം മാരാത്ത് വേലായുധൻ മകൻ പ്രേംകുമാർ (77) എറണാകുളം ആസ്റ്റർ ഹോസ്പിറ്റലിൽ വച്ച് നിര്യാതനായി.

സമുദായം, ഇന്ദ്രപ്രസ്ഥം തുടങ്ങിയ മലയാള സിനിമകളുടെ നിർമാതാവായിരുന്നു.

സംസ്കാര ചടങ്ങ് ഡിസംബർ 12 (വെള്ളിയാഴ്ച) രാവിലെ 10.30ന് എടമുട്ടത്തുള്ള വീട്ടുവളപ്പിൽ.

ഭാര്യ : സുധർമ്മ. (റിട്ട അധ്യാപിക, എസ് എൻ വിദ്യാഭവൻ)

മക്കൾ : ജെന്നി, ജീന

ഇരിങ്ങാലക്കുട തൃശൂർ ന്യൂസ്
തെരഞ്ഞെടുപ്പിനോടനുബന്ധിച്ച ഡ്രൈ ഡേയിൽ വില്പനയ്ക്കായി മദ്യം സൂക്ഷിച്ചയാൾ പിടിയിൽ
irinjalakudatimes.com 0

ഇരിങ്ങാലക്കുട :
തെരഞ്ഞെടുപ്പിനോടനുബന്ധിച്ച ഡ്രൈ ഡേയിൽ വിൽപനയ്ക്കായി പുല്ലൂരിൽ മദ്യം സൂക്ഷിച്ചയാൾ പിടിയിൽ.

10 ലിറ്റർ മദ്യം സൂക്ഷിച്ച കുറ്റത്തിന് പുത്തൻതോട് കോക്കാടൻ വീട്ടിൽ ബാലൻ മകൻ ലാലുവിനെയാണ് ഇരിങ്ങാലക്കുട എക്സൈസ് റേഞ്ച് ഇൻസ്പെക്ടർ അനുകുമാറും സംഘവും പിടികൂടിയത്.

എഇഐ (ഗ്രേഡ്) സന്തോഷ്, സി.കെ. ചന്ദ്രൻ, പി.എ. ജെയ്സൻ, സിഇഒ കെ.യു. മഹേഷ് എന്നിവരും അന്വേഷണസംഘത്തിൽ ഉണ്ടായിരുന്നു.

ഇരിങ്ങാലക്കുട തൃശൂർ ന്യൂസ്
വീണാമോൾ ബസ് സർവ്വീസ് ഉടമ ഡോ. ഇ.പി. ജനാർദ്ദനൻ അന്തരിച്ചു
irinjalakudatimes.com 0

ഇരിങ്ങാലക്കുട : വീണാമോൾ ബസ് സർവ്വീസ് ഉടമയും വ്യവസായ പ്രമുഖനുമായ പെരിഞ്ഞനം “വീണ ഭവനി”ൽ ഡോ. ഇ.പി. ജനാർദ്ദനൻ (87) അന്തരിച്ചു.

ഇരിങ്ങാലക്കുട നൂറ്റൊന്നംഗ സഭയുടെ മുൻ ചെയർമാൻ, പഴനി സുബ്രഹ്മണ്യം ഇൻസ്റ്റിറ്റ്യൂട്ട് ഓഫ് എൻജിനീയറിങ് കോളെജ് മുൻ ചെയർമാൻ എന്നീ നിലകളിൽ പ്രവർത്തിച്ചിട്ടുണ്ട്.

സംസ്കാരം ബുധനാഴ്ച (ഡിസംബർ 10) വൈകീട്ട് 4 മണിക്ക് വീട്ടുവളപ്പിൽ.

ഭാര്യ : യശോദ

മകൾ : പ്രവീണ (വീണാസ് കറി വേൾഡ് യൂട്യൂബ് ചാനൽ ഉടമ)

മരുമകൻ : ജാൻജോഷി